李日朗「被分手」1年29歲舊愛火速報喜做準人妻 男方曾留學英國完成法學學士擁飲食王國
發佈時間：18:00 2024-12-22
42歲的李日朗（Don）與細13年的模特兒女友黃靜藍拍拖5年，早已視對方為結婚對象，卻於去年底被女方狠撇，女方單方面透露已分手一段時間，而李日朗卻稱二人只是「暫時分手」。李日朗當時對「被分手」還笑說：「我都未知，我自己都搵緊答案，可能溝通上需要磨合。」黃靜藍甩拖不久便投入新戀情，昨日（21日）火速宣布喜訊，已獲男友求婚。
黃靜藍已籌備婚禮
黃靜藍昨晚在IG分享喜悅：「I said Yessssssssssss!!!!!!!!!! 話說我哋已經籌備緊婚禮一段時間，不過因為大家都忙，加上心儀嘅婚禮地點需要時間等候，喺大家忙到癲嘅情況下，仍然花盡心思去佈置畀一個難忘嘅回憶我，真心好驚喜、好感動！自問唔係一個眼淺嘅人，但係佢同我求婚嗰吓，我嘅眼淚就忍唔住流落嚟，原來真係會感動到喊㗎」。
相關閱讀：李日朗貼成長相懷念祖母獲讚係靚人一族 失戀後孤零零過生日感慨萬千
黃靜藍甩李日朗火速做人妻？
黃靜藍又大爆求婚過程發生笑料：「不過可能我嘅人生處處充滿趣事，求婚都有件事好好笑，當時太感動個腦一片空白，佢幫我戴完戒指之後，我哋影咗好多相，最後發現。。。我哋將隻戒指戴咗喺無名指，討論完之後，果斷帶返去中指。唔緊要啦！之後都會戴埋係無名指，早咗少少啫 Love u」。
黃靜藍生日放閃
黃靜藍今年慶祝29歲生日，其中一張相見到黃靜藍雙手捉住身旁的男子，對方亦攬實女方，二人頭貼頭又笑得燦爛。而早在今年2月，黃靜藍已分享與新歡Wilson同遊紐西蘭的照片，估不到拍拖不久，二人已開始籌備婚禮。
相關閱讀：李日朗唔願再提分手女友黃靜藍 蔡思貝變靚咗唔怕被指整容
黃靜藍其他靚相：
黃靜藍未婚夫來頭勁
據指黃靜藍的未婚夫Wilson來頭不小，外表後生靚仔外，又坐擁飲食王國。Wilson於2015年在英國倫敦國王學院完成法學學士學位後，便成立第一間印刷公司，接住陸續開三間公司，現為餐飲集團執行董事。Wilson的IG有不少圈中人追蹤，當中包括有港姐梁凱晴、鄺美璇、陳熙蕊外，陳詩欣的富貴老公陳爾正（Joshua）、麥明詩老公盛勁為等有關係。
