55歲袁潔瑩終回春？昔日暴瘦嶙峋身形有驚人轉變 拒絕過封閉式生活決心做一事
發佈時間：21:00 2025-04-13 HKT
80年代以「開心少女組」出道的55歲袁潔瑩（Fennie），早年曾被連登討論區出PO《嚴選二十大香港電視劇古裝美人》中，因袁潔瑩擁獨特古裝氣質，結果獲網民推選古裝美人的第2名，僅次於《金枝慾孽》黎姿（現名馬黎珈而）。可惜在1994年，袁潔瑩患上厭食症，她曾直認一度瘦到似患癌，體重跌至34公斤（約74磅），甚至連月經都停止。
袁潔瑩身體狀況引起不少粉絲擔心
淡出幕前的袁潔瑩早前曾承認患焦慮和人群恐懼症，要向情緒病醫生治療，身體狀況引起不少粉絲擔心，直到近年袁潔偶爾 現身社交平台，健康狀態依然備受關注，一度被批評雙頰凹陷，疑再度暴瘦，其後袁潔瑩貼出自拍照反擊：「這個照片有問題嗎！」日前袁潔瑩再度現身，狀態明顯「回春」，面色紅潤，神采飛揚。
相關閱讀：55歲袁潔瑩突向神秘男「投懷送抱」 臉頰凹陷雙手骨感嶙峋曾患厭食症瘦至皮包骨
袁潔瑩狀態回春：
袁潔瑩面色紅潤更見神采飛揚
去年年初袁潔瑩曾舉行入行40周年派對，當日袁潔瑩狀態明顯好轉，皮膚白皙透亮，五官輪廓亦未有走樣，反而玉手有些微嶙峋。不過日前YouTuber伍仔貼上與袁潔瑩合照並說：「多謝袁潔瑩請食飯，見您越嚟越好戥你開心，Youtube獨家傾偈， 感恩。」相中所見，袁潔瑩面色紅潤更見神采飛揚，狀態明顯回春。在伍仔的Youtube頻道訪問上，全程有聲無樣，袁潔瑩直認十分欣賞對方，故主動結識及請食飯。
袁潔瑩有一段時間要看心理醫生
原來袁潔瑩透露自己有一段時間要看心理醫生，當時很喜歡聽伍仔在網台講佛禪：「有段時間我心情，有啲事解決唔到，有個心結喺度，我又覺得好奇怪，坦白講我有睇心理醫生，有次我見佢，話我識咗五仔，我聽佢講佛禪覺得好舒服，所以睇YouTube兩、三個月就好想搵你，我係好奇心好強嘅人，覺得你知識廣博，所以用盡方法，我冇IG，搵粉絲幫我搵到你。」袁潔瑩又表示一直被人誤會自己不吃東西，她澄清說：「嗰啲人錯得太緊要。（係咪患咗厭食症？）係有，當年太多人誤解，以為我唔食嘢，其實我未試過一日唔食嘢，只不過我食得清淡。蘋果、麥包、蒸魚唔落油，烚菜，然後做運動多過食嘢。」袁潔瑩坦言現在不會再收埋自己，希望學好普通話，有機會開直播。有網民留言：「Fanny把聲真係超好聽超靚，咬字又清楚，真係由開心少女組靚到今時，人生活自律真係可以keep到好遠。」、「支持袁小姐，好鐘意睇袁小姐嘅作品。」、「以前同而家冇乜大改變，一樣都係keep好，個性坦白。」
相關閲讀：群星同賀《開心鬼》四十周年！袁潔瑩暴瘦至臉頰變凹 與李麗珍久違同框
袁潔瑩以往靚相逐張睇：
袁潔瑩入行9年後患厭食症
袁潔瑩入行9年後患厭食症，當時體重跌至34公斤（74磅），有傳是因工作壓力及感情問題所致，不過2014年接受有線節目《星級會客室》訪問時，解釋患病與出唱片有關，皆因自己對唱歌沒信心：「我不停做運動，因為要練氣，一路做運動一路唱歌，做吓做吓就真係瘦咗，開頭10磅、8磅都仲控制到，大家都話我變靚咗，以為瘦就係靚，之後就開始瘋狂，係心理病。」並謂病情持續兩年間，因身體失調致情緒出現問題，她形容一度瘦到似「末期癌患者」，連媽媽都頻頻喊住跪求她進食，幸最後決心醫治很快便康復。離開幕前後，袁潔瑩偶爾接拍豐胸廣告，又試過做時裝、美容生意，惜失敗收場，近年她多做義工，間中仍會在公開活動亮相。
