AEON服裝部「禾稈冚珍珠」？港人大讚執到寶！運動外套/泳衣/涼感背心不輸連鎖品牌：仲要逾9成貨半價勁抵

更新時間：14:45 2024-08-23
發佈時間：14:45 2024-08-23

AEON作為一間大型連鎖百貨公司，超市、家品、家電部以及旗下12蚊店向來都極受市民歡迎，惟服裝部的熱門程度卻不及其他部門，甚少有人提及。不過原來是「禾稈冚珍珠」？近日有網民分享AEON服裝部有大量荀貨，不但設計和性價比高，而且逾9成貨都折上折，劈至半價發售「但都冇咩人行。」引起網民熱議！

AEON服裝部「禾稈冚珍珠」？港人大讚執到寶！

有港人於Facebook群組「AEON Stores 關注組」發文表示：「有時候真係覺得AEON唔係好識宣傳」指：「超過九成貨係講緊係6折5折，再95折係勁抵，我都上網search（搜尋）過，唔係mark up（定價高）咗嗰隻」但即使大劈價都「冇咩人行」，並向其他網民推介心水貨品，當中包括一系列涼感服飾、運動外套、泳衣、T恤、恤衫、短褲，價錢低至$70都有交易，大讚AEON出售的服裝設計和性價比高。

AEON服裝部引網民熱議：不輸連鎖品牌

樓主貼文引起網民熱議，有人表示有同感，「AEON涼感背心抵過U記，次次一上架就賣晒，好好著。」、「其實佢哋啲衫褲，內衣褲同襪都有質素，同樣日本品牌，性價比高過Uniqlo同GU，只不過佢哋都係賣啲基本款，如果要啲有趣材質嘅都係去返U記好。」、「牛仔褲唔錯，夠薄身，夏天著唔會好焗，幾舒服！$99.90抵！」、「啲衫幾好喎都係走簡約風，抵過無印~」

不過亦有網民認為衣服款式不太吸引：「講認真，啲衫後生嫌老餅款，有啲就潮到街頭明燈，半條街都睇到，太極端了！」、「唔知定位想點。」、「佢啲服裝仲老餅過以前先施。」樓主則回應指要耐心才發掘到好貨：「不過有時都搵到驚喜，好似尋寶咁，我自己都買咗三件，所以先出呢個post。」

有網民則認為是1個原因導致AEON服裝部較少人行，原因詳見圖輯。

來源：Facebook @ AEON Stores 關注組