張諾 - 粵珍滋補美饌｜品味好生活
秋冬天氣，似有若無，但人身的季節時鐘響起，是時候進補，懶理地球變得不似預期。
大食家、前議員、酒神、前總廚和媒體總編在灣仔粵珍吃晚飯，經理Candy殷勤招呼，大廚偉哥炮製時令美食，一對好拍檔，令人賓至如歸。
菜單豐富，頭盤四小碟：蒜香和牛粒，惹味，靚牛無渣；椒鹽鮮九肚魚，新鮮不含防腐劑，鋪薄粉炸得乾身，送酒一流；鹽焗印度腰果和椒鹽來路田雞腿，令人乾了一杯再一杯。
粵珍鴛鴦，嚴選野生鵪鶉仔，一隻鹽焗，另一隻釀膶腸香焗，風味各異，連骨酥脆，一於全吞下肚。
花膠三蛇羮，包括三種活毒蛇，包括飯鏟頭、金腳帶和過山烏，配頂上花膠絲、雞絲和荀絲，材料豐富，刀功細緻，各食材切至幼如銀絲，蛇湯鮮甜可口，加鮮白菊辮和切至幼如髮絲的檸檬葉，好喝。Candy說蛇越毒越甜，煮蛇羹最滋補。大廚偉哥不落一點芡，蛇湯輕柔，飲得舒服。
野生大山瑞二食：紅燒裙邊和冬筍絲炒山瑞絲，紅燒做法選厚群邊，滑溜彈牙，補益骨膠原；炒山瑞絲，肉嫰似手撕雞腿，野味很誘人。
雙冬扣東北羊熱氣騰騰出場，冬菇、冬筍和枝竹炆鮮羊腩滾一滾，香氣四溢，羊不羶，腐乳味調得好。我特別挑幾件羊腩吃，成身暖晒。
上湯蒜子浸菜軟，清一清口腔，接下來是原煲臘味飯，嚴選和興油鴨、臘腸、膶腸和臘肉，以泰國五羊米煲飯，臘味淡口，食到風乾濃縮肉味肉香，人人連吃兩碗。Candy和大廚偉有心，把煲底飯焦下高湯加芫荽滾一滾，成為飯焦茶，飯焦香脆可口，人人又盡一小碗。尾單的薏米福果腐竹雞蛋花甜湯，加美點雙輝（合桃酥餅、芝蔴菲林），幸福感油然而生。
圓滿的秋冬滋補盛宴，我輩為食老饕不用投票，再一次肯定，每當想吃食材最佳、廚藝最精湛的粵菜，就會齊集在粵珍開餐。
今晚酒單，十分出色，包括：
1.Champagne Taittinger（泰延爵檳）Comtes de Champagne Blanc de Blancs 1999 Brut
2.Domaine Leflavie（孖雞莊） Puligny-Montrachet 1er Cru Clavoillon 1999
3.Hospices de Beaune（醫院酒） Beaune Premier Cru 2019 Cuvée Hugues et Louis Bètault （par Maison Jehan Emonin）
4.Domaine Comtes Georges de Vogüe（單雞莊） Chamboille-Musigny Premier Cru 1999 （100% young vines of grand cru vineyards）（bottle no 268）
5.Chateau Pichon Longueville Comtesse de Lalande（女爵莊） 2011 2ème Cru Pauillac
6.Laberdolive Les Sables Fauves Hors de 「Age 20 Ans Bas-Armagnac」（雅文邑廿年陳）
尤其拔蘭地，越飲越蜜香撲鼻再變爆谷風味，碰杯聲不絕於耳，大家風花說月，針砭時弊，良朋共聚，笑看風雲變。
張諾
