Cally - 上水廣場、將軍澳中心等新地六大商場破天荒呈獻 全港首個「Pixar Sweet Dreams聖誕甜夢之旅」賀聖誕 | 商界講呢啲
今個聖誕，新地旗下6大商場（上水廣場、北角匯、將軍澳中心、PopWalk天晉滙、卓爾廣場、life@KCC）呈獻全港首個「Pixar Sweet Dreams聖誕甜夢之旅」聖誕裝置，多部人氣動畫角色，包括《怪獸公司》、《反斗奇兵》、《玩轉腦朋友》及《熊抱青春記》化身成甜蜜嘅「棉花糖」，以五大感官體驗聖誕甜夢之旅，共度甜蜜聖誕！
上水廣場「勞蘇」香氣小鎮 感受嗅覺體驗
上水廣場2米高嘅「巨型士多啤梨香味勞蘇」，散發住誘人嘅士多啤梨香味，令人忍唔住想靠近啲。由「彩虹夢幻之路」出發，勞蘇帶您穿梭夢幻世界，展開一場奇妙旅程。記得喺「星星毛毛打卡牆」打卡，同朋友一齊一定甜到滿瀉。
與此同時，「迪士尼˙彼思期間限定店」亦登陸上水廣場，推出超過300款限量精品。活動期間，仲有棉花糖售賣機，可以即場試下獨特造型嘅棉花糖，同朋友過一個甜蜜聖誕！
將軍澳中心「怪獸公司」 聲夢館感受聽覺體驗
將軍澳中心以《怪獸公司》為主題，毛毛同大眼仔化身「棉花糖」員工，2米高嘅毛毛更邀請你暢玩「彩虹打卡滑梯」！輕輕摸「WOW毛毛哈哈牆」嘅星星，毛毛就會發出「哈哈」笑聲，同你歡渡聖誕。記得與大眼仔拍下搞笑相，將快樂聲音散播每個角落！限定店亦登陸將軍澳中心，過百款全新主題精品俾大家隨意挑選，千祈唔好錯過！
北角匯「甜蜜棉花糖派對」 感受味覺體驗
Pixar Sweet Dreams系列角色更總動員現身北角匯，阿樂同阿愁化身可愛嘅「棉花糖」，企喺繽紛彩虹上面同大家揮手，唔好錯過同經典角色影相，留下美好回憶。
另外，「棉花糖美食車」擺滿迷你版棉花糖造型嘅角色，可愛到爆燈，等大家盡情享受聖誕佳節帶嚟嘅甜蜜味覺體驗。仲可以去「Pixar Sweet Dreams休憩區」，有大眼仔、毛毛、Bunny及Ducky陪住你，慢慢入去佢哋嘅聖誕甜夢之旅……
PopWalk天晉滙「玩轉腦朋友」 感受視覺體驗
喺「樂悠哈哈鏡」前，同阿樂一齊影相，咩角度都反射出可愛身形。阿樂仲邀請大家去「自我意識」區域，會根據心情變色，探索一下自己嘅情緒。喺「光影記憶球」下，波波燈折射唔同效果，隨手都可影到網紅照。入夜後，2.5米高嘅「五色彩雲」亦會閃閃發光，讓快樂喺心中持續蔓延。
卓爾廣場「小熊貓」『摸』法世界 感受觸覺體驗
卓爾廣場2米高嘅「毛茸茸小熊貓月亮裝置」同樣閃閃發光，小熊貓等緊同大家見面及一齊感受聖誕嘅暖意。唔好錯過摸2.5米高嘅「巨形毛毛尾巴」，俾小熊貓一個溫暖嘅擁抱。仲可挑戰「小熊貓井字過三關」遊戲，睇下邊個會贏。
life@KCC「幸福反斗之旅」 感受觸覺體驗
《反斗奇兵》嘅Bunny同Ducky，同樣化身可愛「棉花糖」，期待大家嘅到來！步入2米高嘅「夢幻彩虹拱門」，置身喺玩具奇妙世界一樣。再同獨角獸Buttercup打卡拍照，捕捉夢幻時刻！
