Cally - 全港首個「Pixar Sweet Dreams聖誕甜夢之旅」聖誕裝置 去PopWalk同阿愁阿樂玩遊戲 限量換領獨家精品 | 商界講呢啲
今個聖誕，新地旗下嘅6大商場 ——上水廣場、北角匯、將軍澳中心、PopWalk天晉滙、卓爾廣場、life@KCC，呈獻全港首個「Pixar Sweet Dreams聖誕甜夢之旅」聖誕裝置，多套人氣動畫角色，包括《怪獸公司》、《反斗奇兵》、《玩轉腦朋友》及《熊抱青春記》，都化身成甜蜜嘅棉花糖，以五大感官體驗聖誕甜夢之旅，締造專屬自己嘅感官回憶，共度甜蜜聖誕！
將軍澳PopWalk天晉滙 「玩轉腦朋友」 感受視覺體驗
其中將軍澳PopWalk 天晉滙化身成「情感專區」，由兩位《玩轉腦朋友》嘅人氣可愛角色「阿愁」、「阿樂」同大家歡渡聖誕。Ocean PopWalk海天晉滙為你帶嚟「情緒專區」，各種情緒交織出唔同層次嘅樂趣。場內仲有不同主題區域，例如企喺「樂悠哈哈鏡」前，同阿樂一齊擺出唔同嘅可愛甫士，無論邊個角度都可以反射可愛身形同表情，體驗全方位嘅視覺感，相信你都會被佢嘅正能量所感染，忍唔住捧腹大笑。
另一方面，亦會邀請你去到側邊「自我意識」區域，呢個區域可根據心情起伏變化撳掣轉色，快啲嚟搵下自己嘅內心情緒！就好似阿愁咁，原本色彩繽紛嘅記憶球一下子就變晒做藍色啦。
喺「光影記憶球」下，波波燈折射出唔同嘅效果，隨手影都可以影出網紅照。此外，仲準備咗立體特效眼鏡，戴上眼鏡之後，只要偵測到光點就可以隨時見到神奇嘅愛心效果！只要現場消費後便可獲得這款立體特效眼鏡。建議同阿愁多多互動，咁樣可能令心情變好。入夜後，2期露天長廊嘅2.5米高「五色彩雲」閃閃發光，坐上情感快車令快樂喺大家心中持續蔓延！仲可以同首次亮相、棉花糖造型嘅「阿愁」、「阿樂」見面，拍下難忘時刻。
首推獨家聯乘精品換領 為聖誕增添無限暖意
聖誕節最重要嘅節目又點少得為摯愛準備精心、溫馨嘅禮物？PopWalk已經為大家預備咗好多款精美禮品，等住你換領！換領一共分為3期，每一期都有多項獨家禮遇，有暖笠笠嘅毛絨被、阿愁造型嘅紙巾套、阿愁豆袋椅、Pixar Sweet Dreams地氈、聖誕曲奇等等，造工質感細緻，自己用或送俾摯愛都唔可以錯過。
為咗延續各位嘅冬日甜夢體驗，由即日起，粉絲們以電子貨幣單一消費滿$100，更可以換領通行證。喺推廣期間喺PopWalk再消費滿$100，即可獲贈獨家「阿愁」印章同埋PopWalk $20餐飲電子券。同期集齊6個商場嘅獨家印章，更可以額外獲得精美文件夾𠻹。
