【英國升學】放暑假｜英國細路有咩活動？暑期班返足朝8晚6？
香港的莘莘學子正常情況下會在 7 月中放暑假，而英格蘭一般公立學校 7 月尾才開始放暑假，日期由學校自行決定，因此有學校於第 3 週，亦有學校於第 4 週中才開始放假，但無論如何，8 月開始就係全民放暑假！
以往在香港，早在 6 月已經要為兩子報定各式暑期班或活動，經濟的有明愛、保良局、聖雅各等非牟利機構的興趣班和活動；但在英國，那一個月的暑假又可以幫小朋友報咩玩呢？
不同類型運動 最啱放電
聽過有人推介在 council website 可以找到假期活動，但仔細看一下，我們 council 主要是給符合資格領取「免費午餐 free meal」的小朋友，唔肯定是否每個城市各有不同。但其實在 Google 搜尋一下自己城市的 summer club 或者 holiday club near me，好容易就搵到附近有咩好玩，仲可以細分到自己住的小區，活動主要分為 sport、art、adventure 等，當中又以運動類型最多，好似游水、足球、籃球、網球、板球、射箭、閃避球等，最適合體力無限的孩子。當中有由非牟利團體、教會舉辦的，名額通常較少，如果對某項運動有興趣，找專門學校當然最好。
五天夏令營 識新朋友最啱
香港的暑期班好多都係一個小時的興趣班，而家長會為小朋友報上十個八個不同的班以充實整個暑假。在英國就好流行 summer camp，並非指讓小朋友去三日兩夜露營或者宿營，而是一個星期五天，每日朝8 晚 6，為小朋友預備一星期五日整天活動。活動內容大致包括運動、分組遊戲、手工藝、音樂、話劇等。鍾意刺激的一定要選歷奇，有大量戶外玩意，攀石、飛索、大型歷奇遊戲、划船……刺激又好玩。小朋友除了可以玩足一整天，仲可以認識本地新朋友，學習新技能，一齊合作完成唔同 task，活動有動有靜，好玩又全面，因此也很受本地家長歡迎。
圖書館活動 又平又好玩
本地圖書館在暑假亦有唔同的靜態活動，如教畫漫畫、機械人手作、LEGO、家庭劇院 (有 Live show 睇) 等，在各區的圖書館輪流上場，這些活動多數只是一兩小時，但收費都係幾鎊，不失為一個消磨時間的廉價玩意。
