帶B女入餐廳滾水淥成二級燒傷 做錯一事肇禍 父母或餐廳責任掀爭議｜Juicy叮
發佈時間：11:03 2025-03-10 HKT
有港爸媽在網上發帖，指晚上攜帶十個月大BB女到一間餐廳用膳，泊好BB車後，媽媽去洗手間，爸爸只轉頭「諗住搵酒精搓手液」，結果聽到茶壺跌落地下聲音，B女下半身遭熱水淥傷，送院被診斷為二級燒傷。
港爸在帖文中hashtag涉事餐廳，又引述餐廳服務員在意外後表示：「壺水一開始就放咗係度，放咗係BB車伸手可及既位置」，引發網民熱議事件中父母或餐廳的責任，詳情如下：
帶B女入餐廳滾水淥成二級燒傷 做錯一事肇禍 父母或餐廳責任掀爭議：↓↓↓↓
涉事父母在其IG社交平台出限時動態，帖文中講述事發時經過，帖文標示「二級燒傷」，並附有B女受傷後包紮後的相片，帖文開頭即表示：「作為父母，最唔想發生既事，終於發生咗小朋友嚴重整親。」
事發當晚，該對父母和B女去完Playgroup後，到附近的餐廳食晚飯，他們有告知餐廳服務員有BB車，當被安排入座時，「(服務員)叫我泊架BB車入去」，當時B女「仲係BB車，(B女)媽媽去咗洗手間」。港爸就「開始安頓一下自己，只係放低個袋，擰轉頭，諗住搵酒精搓手液」，突然意外發生，港爸說，這時「我聽到茶壺蓋跌咗落地下既聲音，我對鞋開始有熱水，濕入襪，我就知出事」。
港爸回頭一望，見到B女「手拎住茶壺，蓋跌咗落地下，下半身濕咗」，港爸即時將BB車拉到空位，「當時服務員走咗埋嚟，我即刻叫佢拎鉸剪，剪褲，然後入廚房，用凍水沖傷口，打999 call白車。」
同場加映：港爸指控外傭疑報復煲粥嚴重灼傷BB 手及半身不停甩皮：醫生話可能要植皮 警拘43歲菲傭涉虐兒↓↓↓↓
港爸：服務員說壺水一開始就放咗係度
港爸在帖文中hashtag涉事餐廳，該餐廳在港有三間分店，皆位於新界區，主打上海菜。港爸引述餐廳服務員在意外後向他表示：「壺水一開始就放咗係度，放咗係BB車，伸手可及既位置」。
該港爸其後再出限時動態，大字標示「好嬲！！！」並呼籲網民介紹「處理過二級燒傷」及「處理過BB燒傷經驗」的適合醫生，並希望網民分享日後如何消除燒傷疤痕的方法。
網民：店家有責任令危險物品遠離小朋友
帖文在社交平台瘋傳，引發熱烈迴響，不少網民認為父母及餐廳在事件中均有一定責任。「其實店家都有責任令危險物品遠離小朋友/BB（如果放好物品後bb車再入就控制唔到），但當然最大責任一定係顧住BB嗰位大人。」
「我會覺得雙方都有責任，帶位服務員無留意到熱茶好近BB車（當然可能一帶完位就離開咗啦），但呢樣就係服務做得不足嘅地方......而個老豆責無旁貸，點都一定係佢自己錯最大，底層邏輯，你自己最重要都無睇好，邊有得鬧人，希望BB無太大手尾。」
網民：父母有責任 第一件事真係睇下熱水擺係邊
「一泊好車，就要清走晒左右枱面D嘢係基本常識！唔係安頓自己，又去搵酒精搓手液！更加唔會係間餐廳員工負責！係佢老豆老母本人負責！」
「男人真係好易係呢啲位疏忽，亦都輸經驗......每一次、每一次、每一次，去餐廳食嘢，第一件事真係睇下熱水擺咗係邊？係咪有玻璃杯/易碎物品？有冇陶瓷碗碟？隻叉係咪尖頭？有冇辣油糖架擺係附近？總之呢啲係佢面前既嘢一律通通擺開......絕對絕對唔係摷袋搵消毒酒精先！」
「我自己帶個仔出街，就一定時刻警覺，基本上個仔伸手可及既範圍，都嚴禁有危險物品，意外真係一秒就會發生，所以做人阿媽，我真係唔介意畀人話我緊張大師。」
同場加映：黃大仙孕婦偕丈夫推BB車借錢 港男一「絶招」測試即現形 原來是...↓↓↓↓
