王賢誌主持真人騷為男同志發聲 與初戀男友結婚成娛圈首宗公開同性婚姻
發佈時間：14:30 2022-11-25
由王賢誌（ Vinci ）監製及主持、一連二十集的 J2 全新綜藝真人騷節目《仔仔一堂》（ Boyscation ），將下周一( 28日）起、逢周一至五晚十點半在 J2 82台播映，節目在昨日舉行試映會， 除了Vinci和8位型男Louis、Howard、Ray、HoHo、Nelbon、Carson、Juzco及Felix出席外，王賢誌丈夫、父親及圈中好友亦有現身撐場。Vinci在試映會上表示很感動：「今次我唔止係主持，仲係一個監製，原來主理一個節目，係比想像中艱辛好多！喺過去呢段時間，我將自己所有精神、心血同時間都傾盡全力擺晒入去，但係仲難過生仔，生仔都不過係10個月，今次我係用咗年幾嘅時間去完成。」
【點擊睇試映會片段及王賢誌蜜照】：
今次是TVB開埠首個男男配對真人騷，消息傳出後已經引起很大迴響，當時有傳不少保守派觀眾和部份TVB高層不滿，繼而被抽起開播無期，Vinci亦多次回覆傳媒表示：「唔會話難產。」事隔一年終於播映有期，Vinci笑稱《仔仔一堂》曾經是一個都市傳說，只聽過這節目，但未有看過內容，現在終於可以看到。在試映會上播出的部分片段中，包括一眾「仔仔」初次見面及自己的內心感受，有人坦言曾為被稱為「死基佬」而不開心，但長大後反而覺得：「我係呀，咁點呀？」亦有人覺得即使是同志，都可以有一個完整的家庭。Vinci亦表示已經心理準備受到抨擊：「我自己預計咗節目出咗嚟，可能會有用好多唔同理由去鬧，但係我都希望大家可以認真睇睇，由佢哋帶出嚟嘅故事，就係好多現今嘅member或者同性戀者所面對嘅事。」
在片段上見到節目請來馬詩慧（Janet Ma）擔任嘉賓，分享作為一個同志媽媽，由最初未太接受女兒是同性戀者的心情，Janet直認自己是一個傳統的媽媽，當然希望自己的仔女結婚生仔：「最初佢冇話畀我知，係我自己感覺到，我喺電腦成日見到佢係同一個女仔傾偈，之後我有直接問佢，佢初初都唔肯認，直到有一日終於認咗。」Janet一直都不太接受這件事，多次叫大女想清楚，但直到有一次她去做按摩的時候，突然聽到一把聲音：「我聽到有人同我講，叫我要開始接受呢樣嘢，因為呢樣嘢會影響到同個女嘅關係，真係唔知點解，到我做完按摩，我真係覺得要let go，我個女已經大個，有自己嘅生活，有自己愛嘅人同自己嘅選擇。」最後Janet用行動去支持，一家人的關係更加密切。劉曉彤（Annabelle）亦都有現身支持活動，大讚好友今次做法破格，事實上同志題材始終是本地電視圈的多年禁忌，個過程十分艱難。Vinci 解釋延遲至今才播出，是因為在拍攝後長達一年來，節目花了不少時間在後期製作上。當被問到會否開拍《仔仔一堂》第二季時，他就表示要視乎播出後外界反應。
Vinci 出身於富貴家族，爺爺是被譽為「電子大王」的王華湘，而他的父親是上市公司王氏港建主席王忠桐，家族資產逾30億，他在2016年宣佈與拍拖7年的男友Kevin於加拿大註冊結婚，成為香港娛樂圈首宗公開的同性婚姻，他曾經在訪問上表示從小到大未有懷疑過自己的同志身份，小時候雖然未肯定自己的性取向，但只要見到電視的無線五虎，又或是男模，目光都不期然會落在他們的身上。Vinci在廿幾歲向爸爸宣布出櫃的經過：「佢哋冇想像中好似演戲嗰種晴天霹靂，冇哭哭啼啼，所以可能佢哋已經有心理準備。嗰次係食飯嘅時候同佢哋講，我唔係想佢哋做啲乜嘢，我唔係話『我而家有個男朋友，我要你哋接受佢、一起吃飯，甚至搬出去佢住』，講完之後嘅10幾年，我同以前嘅王賢誌係冇分別。」
談到自己的另一半，Vinci自爆二人皆是對方的初戀：「我哋係朋友介紹，佢係我嘅初戀，我都係佢嘅初戀。佢比我細九年，我哋一拍即合嘅原因真係唔知應該點講，係一種感覺，大家喺嗰一刻都Click着，所以最後佢決定將美國嘅所有嘢都搬晒返嚟香港，同我一齊住，亦很快認識晒我啲屋企人。」
【其他文章】：
深水埗ERROR事件｜14巴港男被捕 「點解屈我」成金句曾贏得「踎監」電影比賽獎金
王菲謝霆鋒傳情變 歷多次離合與張柏芝陷三角戀糾纏23年 8年前世紀復合轟動全城
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
